Er bod hyn yn beryglus i bawb, mae plant llai yn wynebu risg neilltuol wrth groesi´r ffordd, am nad ydynt wedi datblygu yn llawn eu sgil o amcanu cyflymdra a phellter cerbydau
Sut allwch chi wella diogelwch eich plentyn?
Ewch â nhw allan a dysgwch iddynt sut i groesi´r heol yn ddiogel.
Bydd Cod y Groes Werdd yn gymorth:
- Dewch o hyd i fan diogel i groesi.
(fel mannau croesi ar gyfer cerddwyr neu, os nad oes mannau croesi gerllaw, man lle gallant weld yn glir a lle gall gyrwyr eu gweld nhw). - Stopiwch wrth y cwrbyn yn gyntaf pob amser.
(neu ymyl yr heol os nad oes yna bafin). - Edrychwch a gwrandewch yn ofalus am draffig o´ch cwmpas.
(cofiwch, gall traffig fod yng nghudd neu ymddangos o ddreifiau tai ayyb) - Pan nad oes traffig yn agos, cerddwch yn syth ar draws yr heol i´r ochr draw. Daliwch i edrych a gwrando am draffig wrth i chi groesi.
Byddwch yn siwr o ddweud wrth eich plant nad nhw yw´r unig grwp o ddefnyddwyr y ffordd sydd yn agored i niwed. Yn aml nid yw hen bobl yn gweld peryglon mor gyflym ag yr oeddent yn arfer gwneud, felly cynghorwch eich plentyn i fod yn wyliadwrus o´u symudiadau.