Er mwyn eich diogelwch chi a diogelwch eraill, mae´r gyfraith yn mynnu eich bod yn defnyddio gwregys os oes un wedi´i ffitio. Mae ymchwil yn dangos bod gwisgo gwregys yn y sedd flaen yn arbed dros 2,200 o fywydau pob blwyddyn. Mae pawb yn gwybod y dylent wisgo gwregys yn y sedd flaen, ond mae yna nifer o bobl nad ydynt yn sylweddoli pa mor beryglus yw hi o beidio a gwisgo gwregys yn y cefn. Amcangyfrifir bod rhwng 8 a 15 o deithwyr sedd flaen yn cael eu lladd gan deithwyr di-wregys yng nghefn y car. Lluniwyd gwregys i gadw pobl yn eu seddi, gan osgoi neu leihau anafiadau a ddioddefir mewn damwain, i chi ac i eraill, fel y rhai o´ch blaen. Mewn gwrthdrawiad ar 30 m.y.a., os na chewch eich atal, byddwch yn taro´r sedd flaen gyda rhwng 30 a 60 gwaith pwysau eich corff eich hunan. Gall trawiad o´r fath arwain at farwolaeth neu anafiadau difrifol i chi a´r sawl sydd yn eistedd yn y seddi blaen. Rydych hefyd yn debygol o gael eich taflu allan o´r car drwy un o´r ffenestri neu, hyd yn oed, ffenest y to.
| Y Sedd Flaen | Y Sedd Gefn | Cyfrifoldeb Pwy ? | |
| Y Gyrrwr | Rhaid ei wisgo os yw wedi´i ffitio | Y Gyrrwr | |
| Plentyn o dan 3 mlwydd oed | Rhaid gwisgo dull priodol o atal plentyn | Rhaid gwisgo dull priodol o atal plentyn os yw ar gael. | Y Gyrrwr |
| Plentyn oed 3 i 11 a llai na 1.5 metr (tua 5 troedfedd mewn taldra | Rhaid gwisgo dull priodol o atal plentyn os yw ar gael. Os nad yw ar gael rhaid gwisgo gwregys oedolyn | Rhaid gwisgo dull priodol o atal plentyn os yw ar gael. Os nad yw ar gael rhaid gwisgo gwregys oedolyn os yw ar gael | Y Gyrrwr |
| Teithwyr dros 14 mlwydd oed | Rhaid ei wisgo os ar gael | Rhaid ei wisgo os ar gael | Teithiwr |
Am fwy o wybodaeth am gyfreithiau gwregys a ffeithiau yn ogystal â gwybodaeth ar seddi plant ymwelwch â www.thinkseatbelts.com neu www.childcarseats.org.uk