Cynlluniau

Strategaeth genedlaethol ar gyfer plant sy´n cerdded a ariannir gan Lywodraeth y Cynulliad Cenedlaethol yw Cwrbgrefft. Wedi´i ddatblygu´n wreiddiol ar Ystadau Drumchapel yn Glasgow, yr Alban, lluniwyd Cwrbgrefft fel modd o leihau´r nifer o blant a laddwyd neu a anafwyd yn ddifrifol ar heolydd yr ystâd. Oherwydd ei lwyddiant sylweddol ymestynnwyd y cynllun drwy´r DU. Ym mis Ebrill 2002 dechreuodd Gwent arni, diolch i arian gan Lywodraeth y Cynulliad Cenedlaethol. Roedd yr ariannu yn caniatáu recriwtio Cydlynwyr Hyfforddi Plant sy´n Cerdded er mwyn gweithredu´r cynlluniau hyn.

Mae Cwrbgrefft yn dysgu plant rhwng 5 a 7 mlwydd oed sut i fod yn gerddwyr diogel drwy fynd â nhw i heolydd go iawn a dangos iddynt sut mae bod yn ddiogel. Mae gwirfoddolwyr a hyfforddwyd gan y Cydlynwyr Hyfforddi Cerddwyr yn mynd â´r plant allan o´r ysgol ac i mewn i sefyllfaoedd go iawn er mwyn cyflwyno´r sgiliau gwerthfawr hyn iddynt. Mae´r plant yn dysgu´r tair prif sgil ar gyfer croesi´r ffordd yn ddiogel:

1. 1) Dewis Mannau Diogel a Llwybrau Croesi´r Ffordd
   Rhoddir cymorth i blant adnabod peryglon a dynodi mannau croesi amgen.
2. 2) Croesi´n Ddiogel Lle Mae Ceir Wedi´u Parcio
   Dysgir plant sut i ddefnyddio strategaeth ddiogel ar gyfer croesi yn agos i geir sydd wedi´u parcio pan nad yw´n bosib eu hosgoi.
3. 3) Croesi´n Ddiogel yn Agos i Gyffyrdd
   Cyflwynir plant i broblemau cyffyrdd syml a chymhleth, a dysgir strategaeth iddynt ar gyfer edrych yn systematig i bob cyfeiriad.

Caiff pob sgil ei ymarfer mewn amryw leoliadau dros gyfnod o 4 i 6 wythnos mewn cysylltiad â´r ysgol a´i hamserlen.

Angen Gwirfoddolwyr

Mae plant ifanc yn cael eu lladd a´u hanafu ar heolydd yn DDYDDIOL. Profwyd mai hyfforddiant ymarferol ymyl yr heol yw´r ffordd ORAU o helpu plant gadw´n ddiogel pan yn agos i neu yn croesi heolydd. I sicrhau bod llwyddiant Cwrbgrefft yn parhau, mae galw am wirfoddolwyr ym mhob ysgol er mwyn darparu goruchwyliaeth ddigonol ar gyfer plant sydd yn cymryd rhan yn y rhaglen. Os allwch chi sbario 2 awr yr wythnos, i fod yn wirfoddolwr CWRBGREFFT, gallech CHI wneud gwahaniaeth mawr.

Pwy all fod yn wirfoddolwr?

Mamau, Tadau, Rhieni Cu, Modrybedd, Ewythrod neu ffrindiau´r ysgol. Caiff gwirfoddolwyr hyfforddiant llawn a chefnogaeth.

Am fwy o wybodaeth am Cwrbgrefft neu am sut y gallwch wirfoddoli wnewch chi gysylltu â´ch Cydlynydd Cwrbgrefft lleol: